Мары ўвасобіліся ў рэальнасць для выхаванца ліцэя МУС

Мары ўвасобіліся ў рэальнасць для выхаванца ліцэя МУС

04.02.2026

29

Выхаванец Магілёўскага ліцэя МУС Дзмітрый Пташкоў стаў удзельнікам конкурсу МУС»мары спраўджваюцца".

Яго мара аб знаёмстве з працай прэс-службы ажыццявілася пасля ліста міністру ўнутраных спраў.

Дзіма наведаў прэс-службу УУС Магілёўскага аблвыканкама.

Начальнік аддзялення інфармацыі і грамадскіх сувязяў маёр міліцыі Алена Ігнатава пагутарыла з ліцэістам, распавяла пра службу і асаблівасці працы. Дзіма, у сваю чаргу, падзяліўся гісторыяй паступлення ў Ліцэй і патлумачыў, чаму хоча звязаць сваю будучую кар'еру менавіта з прэс-службай.

Для госця прэс-афіцэры правялі экскурсію па рабочай студыі, дзе праходзяць здымкі, і раскрылі некаторыя прафесійныя тонкасці мантажу і фарматавання відэасюжэтаў.

Асабліва запамінальным стаў практычны этап: Дзмітрый самастойна падрыхтаваў студыю да здымак і запісаў свой першы Відэа-каментар пад кіраўніцтвам спецыялістаў.

У завяршэнне візіту часова выконваючы абавязкі начальніка ліцэя палкоўнік міліцыі Андрэй Канаплёў і Алена Сяргееўна ўручылі выхаванцу памятны падарунак і дыплом удзельніка конкурсу «мары спраўджваюцца».