Навучэнцы Магілёўскага ліцэя МУС прайшлі маршрутамі партызанскай славы - ад Усакінскіх лясоў да вострава Верамееўка.

Навучэнцы Магілёўскага ліцэя МУС прайшлі маршрутамі партызанскай славы - ад Усакінскіх лясоў да вострава Верамееўка.

26.09.2026

9

Ліцэісты пабывалі ў знакамітых партызанскіх лясах Клічаўскага раёна, якія знаходзяцца на тэрыторыі гідралагічнага заказніка рэспубліканскага значэння «Выспы Дулебы».

На востраве Верамееўка, размешчаным сярод балот, знаходзяцца помнікі партызанскаму руху часоў Вялікай Айчыннай вайны: воінскія могілкі і помнік байцам легендарнага дыверсійна-разведвальнага атрада НКУС/НКДБ «Слаўны».

Экскурсію для рабят правяла дырэктар установы культуры «Клічаўскі краязнаўчы музей» Юлія Лыза. Яна расказала ліцэістам пра гістарычныя падзеі, якія адбываліся ў гэтых мясцінах у 1943–1944 гадах, а таксама падрабязна спынілася на гісторыі атрада «Слаўны» — асобнага савецкага атрада асаблівага прызначэння, які гераічна змагаўся ў тыле ворага ў гады Вялікай Айчыннай вайны.

Маршрут прадоўжыўся на мемарыяльным комплексе партызанскай славы «Усакіна».

Каля брацкіх магіл, размешчаных ва Усакіна, і ля месца пахавання байцоў атрада «Слаўны» ліцэісты ўсклалі кветкі і ўшанавалі памяць герояў хвілінай маўчання.