У кожнага часу свае героі

У кожнага часу свае героі

14.02.2026

18

У рамках супрацоўніцтва з духоўна-асветніцкім цэнтрам імя свяціцеля Георгія (Каніскага) у Магілёўскім ліцэі МУС прайшла сустрэча са старшынёй Магілёўскай абласной арганізацыі «Беларускі саюз ваенных маракоў», удзельнікам баявых дзеянняў у Сірыі, капітанам першага рангу Уладзімірам Мікалаевічам Рыбалка.

Уладзімір Мікалаевіч звярнуўся да юнакоў з заклікам абараняць Радзіму, падкрэсліўшы важнасць вывучэння гісторыі і захавання памяці аб ваенных выпрабаваннях, якія выпалі на долю краіны. Ён нагадаў ліцэістам, што яны-спадчыннікі гераічнага мінулага, і менавіта на іх ляжыць адказнасць за захаванне міру на беларускай зямлі.

Хлопцы з вялікай цікавасцю слухалі аповед пра яго жыццёвы шлях, службу на атамнай падводнай лодцы, крытэрыі адбору і ўмовы службы. Асабліва захапляльнымі сталі гісторыі пра сітуацыі ў паходах і іх паспяховым пераадоленні.

У завяршэнне сустрэчы спікер пажадаў выхаванцам поспехаў і ўпэўненасці ў выбары будучай прафесіі, пасля чаго адказаў на ўсе пытанні.