Дзякуй за мірнае неба

Дзякуй за мірнае неба

09.05.2026

26

У Дзень Вялікай Перамогі кіраўніцтва і выхаванцы Магілёўскага ліцэя МУС наведалі ветэрана Вялікай Айчыннай вайны Анну Мікалаеўну Крывоспіцкую, каб асабіста павіншаваць яе з гэтым святам.

Прадстаўнікі ліцэя ўручылі Анне Мікалаеўне кветкі і падарункі, выказаўшы шчырую ўдзячнасць за яе мужнасць, стойкасць і неацэнны ўклад у агульную Перамогу.

Ветэран падзялілася з дзецьмі ўспамінамі пра цяжкія франтавыя гады, пра нягоды і выпрабаванні, праз якія давялося прайсці яе пакаленню дзеля нашага будучага.

Ліцэісты слухалі Анну Мікалаеўну, затрымаўшы дыханне — такія жывыя гісторыі вучаць цаніць мір лепш за любыя падручнікі.

Гэта сустрэча яшчэ раз нагадала ўсім нам пра кошт мірнага жыцця і пра тое, як важна берагчы і абараняць нашу Радзіму.