Чарнобыль — ад адраджэння да ўстойлівага развіцця

Чарнобыль — ад адраджэння да ўстойлівага развіцця

16.04.2026

32

У Магілёўскім ліцэі МУС прайшоў Адзіны дзень інфармавання і занятак па ідэалагічнай падрыхтоўцы, прысвечаныя гадавіне найбуйнейшай тэхнагеннай катастрофы ў гісторыі чалавецтва — аварыі на Чарнобыльскай АЭС.

Перад супрацоўнікамі і ліцэістамі выступіла лектар таварыства «Веданне», старшы выкладчык БДУТ Тамара Гапеева. Яна падрабязна расказала пра наступствы аварыі, яе ўплыў на экалогію і здароўе чалавека, а таксама пра шматгадовую дзяржаўную палітыку Рэспублікі Беларусь па рэабілітацыі забруджаных тэрыторый і сацыяльнай абароне насельніцтва.

У працяг мерапрыемства перад прысутнымі выступілі ўдзельнікі ліквідацыі наступстваў аварыі на ЧАЭС: начальнік ліцэя Валерый Палішчук і дырэктар РСУП «Радон» палкоўнік міліцыі ў адстаўцы Яўген Лазаковіч, якія ў той час, будучы курсантамі Магілёўскай сярэдняй спецыяльнай школы транспартнай міліцыі, былі накіраваны ў забруджаную зону для забеспячэння аховы грамадскага парадку ў складзе зводнага атрада міліцыі.

У завяршэнне сустрэчы ўдзельнікам прадэманстравалі відэафільм пра мужнасць і гераізм супрацоўнікаў органаў унутраных спраў, праяўленыя пры ліквідацыі наступстваў катастрофы.