З прафарыентацыяй у пачатку навучальнага года

З прафарыентацыяй у пачатку навучальнага года

09.09.2025

89

Начальнік аддзела кадраў Магілёўскага інстытута МУС падпалкоўнік міліцыі Юрый Лекнін і намеснік начальніка ўпраўлення па Магілёўскай вобласці Дэпартамента крымінальнай разведкі МУС палкоўнік міліцыі Павел Шышоў сустрэліся са старшакласнікамі Магілёўскага спецыялізаванага ліцэя МУС.

Прадстаўнік міліцэйскай ВНУ расказаў хлопчыкам і дзяўчынкам аб асноўных аспектах уступнай кампаніі ў вышэйшыя навучальныя ўстановы сістэмы МУС, аб умовах навучання і пражывання ў інстытуце, а таксама аб магчымасцях самарэалізацыі курсантаў у навуцы, спорце і творчасці.

Павел Паўлавіч расказаў выхаванцам аб задачах і функцыях крымінальнага вышуку. Асаблівую ўвагу ўдзяліў асаблівасцям работы ў крымінальнай разведцы.

Сустрэча прайшла ў фармаце жывога дыялогу. Ліцэісты з цікавасцю слухалі гасцей і актыўна задавалі пытанні.