Падарункі і ўсмешкі тым, хто ў іх асабліва мае патрэбу

Падарункі і ўсмешкі тым, хто ў іх асабліва мае патрэбу

01.06.2026

7

У Міжнародны дзень абароны дзяцей першасная арганізацыя грамадскага аб'яднання МУС "Беларускі саюз жанчын" Магілёўскага ліцэя МУС зладзіла сапраўднае свята для маленькіх пацыентаў, якія вымушаны праводзіць гэты дзень у бальнічных палатах.

Актывісткі саюза прывезлі дзецям не толькі падарункі, але і мора пазітыўных эмоцый.

Сапраўдным сюрпрызам для малых сталі вясёлыя госці: Сцёпка, прыязныя клоуны і далмацін.

Яны раздавалі цукеркі, дарылі яркія паветраныя шары і, самае галоўнае, дапамаглі дзецям забыцца пра хваробы і шчыра ўсміхнуцца.

Намеснік начальніка ліцэя - начальнік аддзела ідэалагічнай работы і кадравага забеспячэння палкоўнік міліцыі Андрэй Канаплёў уручыў сертыфікат на набыццё цацак галоўнаму ўрачу Ігару Каско.

Іскрыстыя вочы і дзіцячы смех сталі лепшай падзякай за гэтае цёплае свята! Пажадаем маленькім пацыентам больш хуткага акрыяння!