Мы павінны памятаць

Мы павінны памятаць

19.03.2026

38

Напярэдадні сумнай даты — Дня памяці Хатынскай трагедыі — у ліцэі адбыўся відэалекторыум «Трагедыя спаленых вёсак у гады Вялікай Айчыннай вайны».

Госцем сустрэчы стала Ганна Анісімава, загадчыца аддзела культурна-адукацыйнай работы Магілёўскага абласнога краязнаўчага музея імя Е.Р. Раманова.

Падчас лекцыі Ганна Васільеўна расказала гісторыю стварэння мемарыяльнага комплексу Хатынь, архітэктурныя асаблівасці і глыбокі сэнс кожнага аб’екта на яго тэрыторыі, пра лёс вёскі Боркі Магілёўскай вобласці, якая падзяліла лёс спаленых вёсак.

Асаблівую ўвагу госця надала тэме генацыду, асвятляючы факты трагедыі ў Казіміраўскім лесе і вязняў Лупалоўскага лагера смерці.

Пра такія падзеі неабходна памятаць і перадаваць гэтую праўду наступным пакаленням, каб жахі вайны больш ніколі не паўтарыліся на нашай зямлі.